MANILA, Philippines - Itinanggi ng Malacañang na dapat si Pangulong Benigno Aquino III ang sisihin sa matinding pagbaha sa Central Luzon sa kasagsagan ng bagyong Pedring at Quiel gaya ng akusasyon ni Quezon Rep. Danilo Suarez.
Sinabi ni Presidential Spokesman Edwin Lacierda, walang katotohanan na kinansela ni Pangulong Aquino ang proyekto para sa 19 na flood control projects.
Wika pa ni Sec. Lacierda, pina-bid out na ang nasabing mga proyekto na dati ay mga negotiated contract.
Naghain ng house resolution 1793 si Rep. Suarez sa Kamara na humihiling na imbestigahan ang ginawang pagkansela ni Pangulong Aquino sa mga flood control projects sa Central at Northern Luzon na naging dahilan ng matinding pagbaha.
Kabilang sa mga sinasabing pinakanselang flood control projects ni PNoy ay ang Cordillera Administration Region, P53 million, Ilocos Norte, P35-M Asingan, Pangasinan, P91.4-M, San Manuel, Pangasinan, P228-M Ca gayan, P25.8-M Bambang, Nueva Vizcaya, P68.6-M Kapaya and Dupax, Nueva Vizcaya, P27.4-M Paombong and San Jose del Monte, Bulacan, P9-M Bulacan province, P41-M San Felipe and Iba, Zambales, P42.5-M San Marcelino, Zambales, P19-M Arayat, Pampanga, P77-M Candaba, Pampanga, P78-M Floridablanca, Pampanga, P27-M, Guagua and Lubao, Pampanga, P16-M Moncada at Bamban, Tarlac, P32 million Aliaga, Nueva Ecija P18 million Bungabon and San Leonardo, Nueva Ecija, P19-M Balayan at Lemery, Batangas, P22-M.
Continue Reading at Pilipino Star Ngayon
Tidak ada komentar:
Posting Komentar